Umapela si Senadora Nancy Binay sa National Food Authority (NFA) Council na taasan ang halaga ng mga binibili nitong bigas sa mga lokal na magsasaka.
Ito ang inihayag ng Senadora kahapon sa pagdinig ng Senate Committee on Agriculture and Food kasunod ng ginawa nitong imbestigasyon hinggil sa umano’y kakapusan sa suplay ng bigas sa bansa.
Ayon kay Binay, mainam na dagdagan ng tatlong Piso ang kasalukuyang 17 Pesos na presyo ng mga binibiling palay ng NFA sa mga lokal na magsasaka para makatulong naman ang pamahalaan sa mga ito kahit ngayong anihan lamang.
Suportado naman ni Senadora Cynthia Villar, chairman ng komite ang mungkhaing ito ni Binay lalo’t sa Hunyo pa inaasahang papasok sa bansa ang mga inangkat na bigas ng NFA.
RPE
