Umabot na sa 68 ang bilang ng mga bagong overhaul na bagon ng Metro Rail Transit Line 3, (MRT-3).
Ayon sa Department of Transportation (DOTR), apat na lamang mula sa 72 na bagon ang nakatakdang i-overhaul ng kanilang maintenance provider.
Sa ilalim ng maintenance program, kinukumpuni at pinapalitan ng bagong pyesa ang mga Light Rail Vehicles (LRV) ng MRT.
Kaugnay nito, dumaraan din sa serye ng speed at system check ang mga bagong LRV upang matiyak na ligtas ang biyahe ng mga pasahero. - sa panulat ni Hannah Oledan
