Tumaas na ang presyo ng mga isda at gulay sa ilang pamilihan sa Metro Manila, ilang linggo bago ang Semana Santa o Holy Week.
Ayon sa ulat, nasa P20 hanggang P60 kada kilo ang itinaas sa presyo ng ilang klase ng isda at gulay sa mga palengke sa Metro Manila.
Sa Mega Q-Mart sa Quezon City, nasa P80 na ang kada kilo ng ampalaya mula sa P60 habang P100 naman ang kada kilo ng kalamansi na dating P40.
Doble naman ang itinaas ng kada kilo ng cauliflower nasa P120 na mula sa dating P60.
Ayon sa mga tidero, karaniwan nang tumataas ang presyo ng ilang gulay tuwing Mahal na Araw.
—-
