Tumaas ang presyo ng fresh pork sa ilang pamilihan ngayong holiday season.
Sa naging pahayag ni Department of Agriculture (DA) ASEC. Noel Reyes, sakop ng mataas na presyo ng karne ng baboy ay ang pork belly, ham, kasim at pigue.
Nabatid na umabot sa P360 ang kada kilo ng pork belly, habang P330 naman ang presyo sa pork ham.
Sa kabila ng pagtaas ng ilang mga karne ay bumaba naman ang presyo ng imported pork na ngayon ay nasa P220 kada kilo habang ang liempo naman ay nasa P280 hanggang P320 ang kada kilo. —sa panulat ni Angelica Doctolero
