Hinimok ni Philippine National Police (PNP) Chief P/Gen. Debold Sinas ang publiko na i-report agad sa pulisya ang mga insidente ng kidnapping sa kanilang lugar.
Ito ang inihayag ng PNP chief kasunod ng pagkaksagip ng mga tauhan ng PNP Anti-Kidnapping Group sa Chinese national na si Zhi Fu at pagkakatapay naman sa apat na miyembro ng Waray-Waray group sa ikinasang operasyon nito kahapon.
Ayon kay Sinas, nakatakas ang kaibigan ni Zhi na si Li Cheng mula sa mga dumukot sa kanila kaya’t nagawa nitong magpasaklolo sa mga pulis dahilan upang ikasa ang rescue operations.
Magugunitang nabisto ng mga pulis ang hideout ng mga suspek makaraang magpadala ito ng mensahe kay Li at nanghihingi ng P20 milyon ransom kapalit ang kalayaan ng kaniyang kaibigan.
