Normal pa ang presyuhan ng mga bulaklak sa Dangwa sa Maynila ngayong araw na ito, bisperas ng Valentine’s Day.
Kabilang sa mga bulaklak na ibinibenta sa Dangwa ay China rose na mabibili sa P1,200, casablanca- P1,600, Malaysian mumps na 100 hanggang 160 pesos para sa isang bundle, depende kung maikli o mahaba, red success rose na 900 pesos sa kada bundle o 24 pieces, white rose na 200 pesos kada bundle at pomelo sa 600 pesos bawat bundle.
Bukod pa rito ang yellow balls at pink tube na mabibili sa 100 pesos kada bundle, rose pink success at red gala rose na tig-800 pesos kada bundle at anthurium white na 350 pesos kada dosena.
Gumagawa na rin ng special arrangement ng mga tsokolate at stuffed toys ang mga stalls sa Dangwa.
Pumapalo sa 700 hanggang 800 pesos ang round bouquet na may 12 pcs. ng chocolate, P3,200 pesos naman sa arm bouquet with chocolate, bouquet na may kalahating dosena ng chocolate at a may tatlong piraso ng stuffed toys sa halagang P1,200 at P700 hanggang P1,500 sa tatlumpu hanggang apat napu’t walong (48) piraso ng tsokolate.
Inaasahan naman ang pagpalo ng presyo ng bulaklak at iba pang pang regalo ngayong Valentines mamayang gabi hanggang bukas ng umaga.
—-
