Inihayag ng Department of Trade and Industry (DTI) na nagkaroon ng bahagyang pagtaas sa presyo ng ilang pangunahing bilihin.
Sa panayam ng DWIZ, sinabi ni DTI Undersecretary Ruth Castelo na tumaas ang presyo ng ilang produkto sa mga supermarket batay sa inilabas nilang Suggested Retail Price (SRP) bulletin noong May 11, 2022.
Kabilang na rito ang instant noodles, kape, gatas, canned goods at iba pa.
Giit pa niya, nasa 30% o katumbas lamang ng 82 products ang tumaas ang presyo mula sa 218 Stock Keeping Units (SKUs) sa kanilang SRP bulletin.
