Posibleng tumaas ang presyo ng bigas kahit anihan na sa mga susunod na buwan bunsod ng El niño phenomenon.
Paliwanag ni Federation of Free Farmers Board Chairman Leonardo Montemayor, ito’y kung magiging matindi ang epekto ng el niño sa bansa.
Dagdag pa ni FFF Board Chairman Montemayor, maaaring maapektuhan ang dami ng supply ng bigas kung may masisirang ani ng palay, at kanyang binigyang diin na marami nang sakahang natutuyo dahil sa sobrang init, at hirap na ang mga magsasaka sa patubig.
Gayunman, iniulat ng FFF na kung sakaling hindi mapuruhan ang mga palayan ng el niño phenomenon, maaaring bumaba ang presyo ng nabanggit na pangunahing bilihin.
Sa ngayon, naglalaro sa P49 – P56 ang presyo ng kada kilo ng bigas. – sa panunulat ni Charles Laureta
