Inabsuwelto ng CHR o Commission on Human Rights si Pangulong Rodrigo Duterte hinggil sa mga naitatalang extra-judicial killings bunsod ng war on drugs ng pamahalaan.
Ito ang inihayag ni CHR Commissioner Gwen Pimentel – Gana bagama’t wala pang patunay sa kanilang pagsisiyasat na hindi state sponsored ang mga nangyayaring patayan.
Giit ni Pimentel, hindi rin maaaring papanagutin ang Pangulo sa EJK dahil lamang sa kaniyang mga naging banta na papatayin ang mga sangkot sa ipinagbabawal na gamot.
Reaksyon ito ni Pimentel makaraang ipalabas ng pahayagang The New York Times ang isang dokumentaryo na may pamagat na “when a president says, i will kill you” na bumabatikos sa war on drugs ng administrasyon.
By: Jaymark Dagala