Namemeligrong ipasara sa loob ng anim na buwan ang El Nido, Palawan kung hindi magkakaroon ng solusyon ang mga business establishments at lokal na pamahalaan na linisin ang tubig sa bayan.
Ito’y makaraang tumaas muli ang lebel ng coliform bacteria sa tubig sa El Nido, na nagmumula sa mga dumi ng tao o hayop na itinuturong sanhi ng pagtaas ng diarrhea cases sa lugar.
Ayon kay Provincial Environment and Natural Resources (PENRO) Officer Felizarde Cayatoc, isang kahihiyan hindi lang sa palawan kundi sa buong bansa kung hindi malulutas ang matagal nang problema sa tubig sa El Nido.
Samantala, pinalagan naman ni El Nido Chamber of Commerce Chairman Emeritus Leonides Echague ang desisyon ng PENRO dahil maaari namang panagutin lamang ang mga establisyemento na hindi sumusunod sa regulasyon pagdating sa water sanitation.
—sa panulat ni Mark Terrence Molave
