Hindi umano nagbibigay ng dagdag na pressure kay Senadora Grace Poe ang mga lumalabas na pananaw at paniniwala ng ibang kapwa nya senador at ilang political analysts na desidido na siyang tumakbo sa 2016 elections.
Ayon kay Poe, bagamat kinukunsulta niya ang kanyang pamilya at ilang malalapit na kaibigan kung kinakailangan pagdating nga sa magiging desisyon niya sa 2016 elections, lagi pa rin siyang nagsasarili sa pagpapasya sa mahahalagang usapin.
Ang mas nakaka-pressure aniya, ay ang tanong na nararapat at tama ba para sa bansa ang kanyang magiging pinal na pasya.
Una rito’y nilinaw ni Poe na wala pa siyang desisyon kung sasabak o hindi sa 2016 Presidential elections.
By Avee Devierte | Cely Bueno (Patrol 19)
