Ipinagmalaki ng Philippine National Police (PNP) ang mabilis na aksyon ng mga pulis hinggil sa insidente ng hijacking sa Tuba, Benguet.
Ito’y matapos mapatay sa engkuwentro ng mga tauhan ng PNP Highway Patrol Group (HPG) ang 5 salarin na sangkot sa hijacking sa Taloy Sur Proper sa bahagi ng Marcos Highway.
Ayon kay PNP Chief P/Gen. Guillermo Eleazar, dalawa aniya sa 5 napatay na salarin ang nakasuot ng uniporme ng pulisya batay sa naging ulat ng Police Regional Office – Cordillera.
Bagaman hindi pa muna pinangalanan ng PNP Chief ang 5 napatay na salarin, masusi na nilang iniimbestigahan kung saang grupo kabilang ang mga ito.
