Mananatili pa rin ang COVID-19 ngunit maaring mawala na kalaunan ang pandemya.
Ito ang inihayag ni Vaccinologist Dr. Melvin Sanicas na naka-base ngayon sa Switzerland.
Naniniwala si Sanicas na posible itong mangyari ngayong 2022 o di kaya’y sa susunod na taon.
Pero nakadepende parin aniya kung paano bibigyang depinisyon ang magiging risk levels ng mga mao-ospital at mga pumapanaw dahil sa virus.
Paliwanag ni Sanicas, hindi kasi well-defined ang kahulugan ng pandemic at ang pagtatapos ng panahon ng pandemya kaya naman nakasalalay ito sa kung paano ang magiging pagtanggap dito ng mga tao.
Kung ikukumpara aniya sa taong 2020 na wala pang bakuna at hindi pa alam ng lahat na maari pa lang maging proteksyon kontra COVID-19 ang steroids, makikita aniya na talagang malayo na ang sitwasyon sa ngayon dahil sa mga natuklasang vaccine.