Posibleng sirain o isubasta ang mga sasakyan ng mag-asawang sina Sarah at Curlee Discaya sakaling mapatunayanang lumabag ang mga ito sa batas sa importasyon at pagbabayad ng buwis.
Kinumpirma ito mismo ng Bureau of Customs, kasabay ng pagsasabing tatlumpu’t isang sasakyan ng mag-asawang Discaya ang nasa kustodiya na ng ahensya.
Ayon sa BOC, kabilang dito ang dalawampu’t siyam na luxury vehicles at dalawang all-terrain vehicles na hindi rehistrado sa Land Transportation Office.
Sa ngayon, nagpapatuloy pa rin ang isinasagawang imbestigasyon ng ahensya sa sinasabing iregularidad sa importasyon at pagbabayad ng buwis sa mga naturang sasakyan.
Una nang napag-alaman ng BOC na kulang sa dokumento ng duties at taxes ang karamihan sa mga luxury vehicles ng mga Discaya at may mga kahina-hinalang import entries.
