Hinamon ng pambansang pulisya ang kampo ng mga Parojinog na iharap sa Korte ang sinasabi nilang testigo.
Ito’y makaraang ibunyag ng umano’y testigo na naghagis umano ng granada ang mga pulis na sumalakay sa tahanan ng pamilya sa Ozamiz City nuong Hulyo 30.
Giit ni PNP Spokesman C/Supt. Dionardo Carlos, walang ginamit na granada ang mga pulis na nagsagawa ng raid lalo’t hindi naman komunista ang kanilang kalaban nuong mga panahong iyon.
Batay sa report ng raiding team ng PNP, nagmula sa panig ng mga Parojinog ang sumabog na granada na siyang kumitil sa buhay ni Ozamiz City Mayor Reynaldo Parojinog Sr, asawa nitong si Susan at sa 14 na iba pa.
