Nanawagan si Philippine National Police o PNP Chief Director General Ronald Dela Rosa sa Local Government Units (LGU’s) na tumulong sa pagbili ng mga body camera na gagamitin ng mga pulis sa anti – drug operations.
Ayon kay Dela Rosa, hindi kakayanin ng PNP na makabili agad ng sapat na body camera sa oras na ibalik na sa kanila ni Pangulong Rodrigo Duterte ang kapangyarihan sa ‘war on drugs’.
Tiwala naman si Dela Rosa na malaking tulong ang paggamit ng body camera at maiiwasan nito ang mga kontrobersiya sa mga ikinakasang operasyon ng mga pulis laban sa iligal na droga.
Sa ngayon, Quezon City government pa lamang ang nangakong bibili ng mga body camera para sa mga anti – drug operatives ng Quezon City Police District o QCPD.