Kumambiyo si PNP o Philippine National Police Chief Dir/Gen. Ronald Bato Dela Rosa sa naging panawagan nito sa mga gun owners para tumulong sa paglaban sa terorismo.
Paglilinaw ng PNP Chief, limitado lamang sa self defense o pagdepensa sa sarili ang panawagan niya sa mga gun owners para protektahan ang kanilang tahanan sakaling umatake ang mga terorista.
Kasunod nito, pinawi rin ng PNP Chief ang pangamba ng ilan partikular na ng mga kritiko ng administrasyon na posibleng magresulta sa vigilantism ang ginawang pahayag nito.
Magugunitang hinimok kamakailan ni Dela Rosa ang mga gun club o grupo ng mga gun owners na mag-ogranisa upang hindi na maulit pa ang nangyaring pagkubkob ng mga terorista sa Marawi City nuong Mayo.
