Nagpaalala sa publiko partikular na sa mga sumasakay sa pampublikong transportasyon ang Philippine National Police-Highway Patrol Group (PNP-HPG) na panatilihin parin ang pag-susuot ng facemask.
Sa pag-iikot ng PNP-HPG sa mga terminal ng bus, dagsaan parin ang mga pasaherong umuuwi ng Metro Manila mula sa kani-kanilang probinsya matapos ang holiday season.
Iginiit ng ahensya na marami sa mga mananakay ang hindi na nagsusuot ng facemask dahil sa pagiging kampante sa mababang arawang kaso na naitatala ng Department of Health (DOH) at opsiyonal na pagsusuot nito sa pampublikong lugar.
Ayon sa mga otoridad, mandatory parin ang pagsusuot ng facemask lalo na kung nasa loob ng pampublikong sasakyan partikular na ang mga bus at pampasaherong jeep kung saan, dikit-dikit ang mga kumyuter.
Iginiit ng ahensya na kailangan paring sumunod sa ipinatutupad na health and safety protocols para sa mas ligtas na biyahe ng bawat isa.
