Naghahanap pa ng higit 400 pulis ang bagong tatag na PDEG o PNP Drug Enforcement Group.
Ayon kay PDEG Chief Senior Superintendent Graciano Mijares, 477 ang kabuuang bilang ng tauhang kailangan nila sa national headquarters ng PDEG.
Sa ngayon, mayroon na aniya silang 54 na recruit, kung saan karamihan, mga dating opisyal ng binuwag na anti-illegal drugs group.
Ayon kay Mijares, bagamat skeletal force pa lamang ang PDEG, pinakilos na niya agad ang kanyang mga tauhan para tutukan ang mga nasa listahan nila ng high value target.
By Avee Devierte |With Report from Jonathan Andal
