Walang mangyayari sa mga pagpuna at patutsada laban sa umano’y maagang pangangampaniya ni Davao City Mayor Sara Duterte kung hindi ito dadalhin sa tamang lugar.
Ito ang inihayag ng Political Analyst na Si Prof. Ramon Casiple ng Institute for Political and Electoral Reforms sa harap ng mga isyung ibinabato ng mga kritiko ng alkalde.
Binigyang diin ni Casiple, kailangang mayruong maghain ng reklamo sa Commission on Elections (Comelec) o sa Department of the Interior And Local Government (DILG) kung sa tingin nila ay iligal ang ginagawang pag-iikot ni Mayor Sara sa iba’t ibang lugar, tao at partido.
Magugunitang sunud-sunod ang mga pasaring laban kay Mayor Sara tulad nila Manila Mayor Isko Moreno, Act Teachers Partylist Rep. France Castro at iba pa dahil sa tila maagang pangangapanya nito sa halip na tutukan ang lumalalang kaso ng COVID-19 sa kaniyang nasasakupang Davao City.
Bagay na mariing itinanggi ng kampo ng alkalde sa pagsasabing bahagi ng kaniyang leave of absence ang ginagawa niyang pag-iikot sabay pagtitiyak na hindi nito pinababayaan ang kaniyang nasasakupan.