Naka heightened alert na ngayon ang PNP Aviation Security Group kasunod ng naganap na terrorist attack sa paliparan ng Istanbul sa Turkey na ikinasawi ng hindi bababa sa Tatlumpung katao.
Ibig sabihin nito extended ang duty hours ng mga tauhan ng AVSEGROUP at naka stand by anumang oras ang Special Unit ng PNP gaya ng SWAT.
Ayon kay PNP Spokesman Pol CSUPT Wilben Mayor, otomatikong naglalatag ng kaukulang hakbang ang pambansang pulisya sa tuwing may nagaganap na karahasan sa ibang mga bansa.
Inatasan na anya ni PNP AVSEGROUP Dir CSUPT Francisco Balagtas ang mga tauhan nito na paigtingan pa ang seguridad sa paliparapan
Paglilinaw naman ng PNP, sa ngayon wala silang namomonitor na banta ng terorismo sa bansa
By: Avee Devierte
