Muling nagbanta ng panibagong kilos protesta ang transport group na Pinagkaisang Samahan ng mga Tsuper at Operators Nationwide o PISTON.
Ayon kay PISTON National President George San Mateo, kanilang kakalampaghin ang lahat ng tanggapan ng Land Transportation Franchising and Regulatory Board o LTFRB sa buong bansa sa darating na Enero beinte kwatro.
Pahayag ni San Mateo, layun nitong ipakita ang kanilang mariing pagtutol sa Public Utility Vehicle o PUV modernization program ng gobyerno
Kasabay nito, hihilingin din ng grupo sa pamahalaan na ipagkaloob na sa mga jeepney drivers at operators ang hinihinging anim na Pisong diskwento sa kada litro ng produktong petrolyo, matapos ipatupad ang TRAIN Law.
