Nakatakdang mag-usap sa susunod na buwan ang Pilipinas at China kaugnay sa isyu sa South China Sea.
Ayon sa kay Foreign Affairs Secretary Alan Peter Cayetano magaganap sa Pebrero ang ikalawang B.C.M o Bilateral Consultation Mechanism ng dalawang bansa.
Kasabay nito, tiniyak ni Cayetano na kanilang idudulog sa B.C.M ang lahat ng pagbabago at aktibidad sa nasabing pinag-aagawang teritory.
Kabilang sa naturang aktibidad ay sinasabing transpormasyon ng Fiery Cross Reef patungo sa isang military airbase.
Magugunita rin na inihayag ni Defense Secretary Delfin Lorenzana ang impormasyon na kanilang natanggap hinggil sa umano’y isinasagawang militarisasyon ng China sa ilang bahagi ng South China Sea.
Gayunpaman, tiwala pa rin ang DFA na malaking tulong ang B.C.M sa pag-usad ng Pilipinas at China bagaman may hindi pa pagkakaintidihan sa dalawang bansa.
Samantala, hindi pa tinukoy ng D.F.A ang lugar kung saan magaganap ang ikalawang B.C.M.