Tinawag na ‘gangster’ ni Pangulong Rodrigo Duterte ang pinuno ng CPP o Communist Party of the Philippines na si Jose Maria Sison.
Ayon kay Pangulong Duterte, limampung (50) taon nang niloloko ni Sison ang mga tauhan sa komunistang grupo na pinapaniwalang maisasalba ang bansa sa pag-hingi ng mga revolutionary taxes.
Pero aniya, ginugutom lamang ni Sison ang mga ito dahil kahit malaki ang nakukuhang pera sa pangingikil ay hindi naman nabibigyan ng sapat para sa kanilang mga pangangailangan.
Kasunod nito, hinimok ni Pangulong Duterte ang mga NPA o New People’s Army members na sumanib na lamang sa pamahalaan upang gawing mga sundalo at makatatanggap ng mga benepisyong katulad ng mga regular na miyembro ng Armed Forces of the Philippines (AFP).
Unang nang nagbigay ng komento si Sison na pinaglalaruan lamang ng Pangulo ang bansa dahil sa pagdedeklara nito ng martial law sa buong Mindanao.
By Krista De Dios | With Report from Aileen Taliping
