GUMAGAWA ngayon ng pangalan sa Belgium ang isang Filipina singer.
Ito’y makaraang makapasok si Andrea Alcoba sa blind audition ng Season 9 ng The Voice Belgium.
Humanga ang mga coach sa rendisyon ni Alcoba ng “You’re Still the One” ni Shania Twain kung saan kabilang sa mga umikot ang upuan ay ang French singer na si Christophe Willem.
Maging ang upuan ng rapper na si Black M ay umikot din at ito ang pinili ng dalaga.
Ayon kay Alcoba, nais niyang ipakita sa buong mundo ang galing ng mga Pinoy pagdating sa kantahan.
