Umabot na sa 225 ang bilang ng mga Pilipinong na-repatriate mula sa Ukraine.
Ayon kay Department of Foreign Affairs (DFA) undersecretary Sarah Lou Arriola, kabilang dito ang 52 indibidwal na pinakahuling na-repatriate at dumating sa bansa kahapon.
98 Pilipino naman sa labas ng Ukraine ang naghihintay na ma-repatriate habang mahigit 100 ang piniling manatili sa Eastern European Country dahil sa trabaho at pamilya o asawa nito roon.
Maliban dito, istranded pa rin ang mga Filipino Seafarers sa Ukraine dahil sa gulo, ngunit nakipag-ugnayan na ang DFA sa POEA hinggil dito.
Samantala, nanawagan si Arriola sa mga Pilipinong nasa Kyiv na lumikas na ang mga ito habang hindi pa kailangang humingi ng humanitarian corridor.—sa panulat ni Airiam Sancho
