Buo ang kumpiyansa at suporta ng National Confederation of Irrigators Association Inc. (NCIA) sa Executive Order 62 na inilabas ni Pangulong Ferdinand Marcos Jr.
Matatandaang sa ilalim ng EO 62, mababawasan ang taripa sa imported na bigas sa 15% mula sa noo’y 35%.
Sa isang resolusyon, sinabi ng NCIA na naniniwala sila sa karunungan ni Pangulong Marcos sa pagtataguyod sa kapakanan ng mga magsasaka sa pamamagitan ng iba’t ibang programa, tulong, at interbensyon; patunay na suportado ng pangulo ang sektor ng agrikultura.
Kaugnay nito, patuloy na naghahatid ng tulong at serbisyo si Pangulong Marcos sa mga magsasaka at mangingisdang apektado ng matinding tagtuyot sa iba’t ibang lalawigan sa bansa.
