Pinangunahan ni Pangulong Ferdinand Marcos Jr. ang isang malawakang job fair kung saan nagtipon ang mahigit isandaang mga kompanya at libu-libong aplikante.
Ayon kay Pangulong Marcos, layunin ng programa na mapababa pa ang antas ng kawalan ng trabaho o unemployment rate sa bansa.
Tampok anya dito ang pagsasanay at pagbibigay ng tamang kakayahan para sa mga aplikante upang makahanap ng dekalidad na trabaho.
Bukod dito, binigyan-diin ng Presidente na target ng pamahalaan na gawing regular ang mga job fair.
Ibinida rin ni PBBM na pinag-aaralan na ng pamahalaan na dalhin ang programa sa mga lalawigan upang mailapit ang oportunidad at trabaho sa buong bansa. – Sa panulat ni Kat Gonzales
