Target ng Pilipinas na makaakit ng 8.3 milyong turista ngayong taon.
Ayon kay Tourism Assistant Secretary Roberto Alabado, inaasahan nilang madaragdagan ang tourist arrival dahil sa kanilang paglahok sa Moscow International Travel and Tourism Exhibition 2019 sa Russia.
Kabilang aniya ang Pilipinas sa top 10 destination ng mga Russo habang puspusan na rin ang pag-po-promote ng Department of Tourism (DOT) sa iba pang bansa.
Gayunman, kailangang palakasin ang relasyon ng Pilipinas at Russia upang matiyak ang patuloy na paglago ng tourism sector sa pagitan ng dalawang bansa.
Magugunitang umabot sa mahigit pitong (7) milyon ang bilang ng mga dumagsang turista sa Pilipinas noong isang taon.
—-
