Patuloy na makikipag-ugnayan ang Pilipinas sa India at Russia kaugnay sa bakuna kontra COVID-19 na nilikha ng mga nabanggit na bansa.
Ayon ito kay Foreign Affairs Secretary Teddy Locsin Jr., kasabay ng pag-aming nakipag-pulong siya kamakailan sa kinatawan ng gamaleya institute ng Russia upang pag-usapan ang Sputnik V vaccine.
Dagdag ni locsin, hiniling din sa kanya ni Vacine Czar Carlito Galvez na patuloy na makipag-usap sa India hinggil kanilang bakuna kontra COVID-19.
Paliwanag ni Locsin, kabilang sa mandato ng dfa sa pamamagitan ng mga embahada at konsulada ng Pilipinas ay ang pagsunod sa development, efficacy at posibleng problema ng mga bakuna kontra COVID-19.
Maaari din aniyang pasimulan ng kagawaran ang pakikipag-usap hinggil sa pagkuha ng suplay ng mga ito at saka isusumite sa binuong vaccine expert panel task force.
