Pabor ang Pilipinas kaugnay sa inilabas na resolusyon ng United Nations upang kondenahin ang ginawang pagsalakay ng Russia sa Ukraine.
Nabatid na nagdesisyon ang Russia na i-Veto o i-dismiss ang Security Council Resolution na kumokondena sa kanilang pananakop maging ang panawagan na umatras na ang Russian Military Forces na nasa Ukraine at patuloy na nakikipag bakbakan.
Sa Special Emergency Session ng UN General Assembly, nanawagan ang delegasyon ng Pilipinas na protektahan ang mga sibilyan at itigil na ang sagupaan sa pagitan ng dalawang bansa.
Sa naging pahayag ni Defense Secretary Delfin Lorenzana, sinabi niya na mananatili paring neutral ang Pilipinas sa naturang isyu.
Iginiit ni Lorenzana na sa ngayon ay prayoridad ng pamahalaan ang pagpapauwi sa mga Pilipinong apektado ng tensyon sa pagitan ng Russia at Ukraine. —sa panulat ni Angelica Doctolero