Nanguna ang mga Pilipino sa mga lahi sa Asia Pacific Region na pinakamatinding naapektuhan ng pagtigil ng mga pagbiyahe dahil sa epekto ng COVID-19 pandemic sa buong mundo.
Batay ito sa ginawang pag-aaral ng market research company na Yougov at travel leisure platform na Klook.
Anila, nasa pinakamataas na puwesto ang mga Pilipino mula sa 13 mga lahi sa Asia Pacific na nagsabing ikinalungkot nilang hindi sila nakabiyahe nitong nakalipas na mga buwan.
Lumabas sa pag-aaral na 89% ng mga Pilipino respondents ang nagsabing malungkot sila matapos na hindi makabiyahe upang makapiling ang kanilang pamilya.
Sinundan ito ng Indonesian at Malaysian na mayroong 87% porsyento, Australia na 86% at Hongkong na 85%.
Nanguna rin ang mga Pilipino respondents na mayroong 93% sa kategorya na nagsabing ikinadismaya nila ang hindi pagbiyahe kasama ang mga kaibigan upang bumuo ng mga masasayang alaala.
