Finally ay kinumpirma na ni Miss Universe 2015 Pia Wurtzbach na ‘dating’ sila ng tinaguriang sexiest doctor alive na si Mikhail Varshavski o mas kilala bilang Dr. Mike.
Ginawa ni Queen P ang pag-amin sa episode ng ‘Tonight with Boy Abunda’.
Ayon kay Wurtzbach, kasalukuyan pang sinasanay ni Dr. Mike ang sarili nito sa Pinoy tradition ng courtship.
“He’s adjusting to the Filipino ways a lot because it’s very different, the culture is very different. I had to explain to him how different it is in the Philippines, kung papaano ba manligaw,” Sabi ni Pia.
Idinagdag din ni Pia na understanding at true gentleman ang Russian-doctor dahil sa ngayon aniya ay malinaw dito na ang priority niya ay ang kanyang Miss Universe duties.
“I assure you guys, masakit sa kanya pero sinabi ko talaga sa kanya na ito ang number one priority ko (itinuro ang kanyang sash),” Paliwanag ni Pia.
Ibinalita naman ni Pia na nais ni Dr. Mike na makabisita sa bansa sa hinaharap.
Matatandaang unang nagkakilala ang dalawa sa ginanap na New York Fashion Week sa Amerika noong nakaraang Pebrero.
