Magkakaroon ng pulong bukas, araw ng Martes ang Philippine Hospital Association (PHA) at PhilHealth para klaruhin ang mga ‘uncertainty” kaugnay sa coverage ng COVID-19 patients.
Ayon kay PHA President Dr. Jaime Almora, nais din nilang malinawan kung ano ang papel ng mga maliliit na ospital sa COVID-19 response.
Bukas din aniya ay ihahayag nila ang kanilang problema sa PhilHealth.
Ani Almora, ilang memorandum circulars at orders na ibinababa ng PhilHealth ay nagdudulot ng kalituhan sa mga regional offices maging sa mga ospital.
