Posibleng umabot nang hanggang 40 porsyento ang dagdag-singil sa toll ng mga expressways gaya ng NLEX o North Luzon Expressways at SCTEX o Subic – Clark – Tarlac Expressways.
Ito ay sa gitna ng inihaing petisyon sa Toll Regulatory Board o TRB na taas singil sa expressways.
Gayunman, nilinaw ni Bert Suansing, tagapagsalita ng TRB na hindi pa nila inaaprubahan ang naturang hirit at dadaan pa ito sa masusing pag-aaral.
Tiniyak naman ni Suansing na magiging makatwiran ang ipapataw nilang dagdag singil para hindi ito maging mabigat sa bulsa ng mga motorista.
“We’re being guided by the Supreme Court ruling ilang taon na nakakaraan na kinikilala ang kapangyarihan ng Toll Regulatory Board na magtalaga ng toll rate, na dapat ang itinatalaga ay just and reasonable, so diyan umiikot ang ating pag-aaral sa pag-adjust ng toll rates natin.” Pahayag ni Suansing
(Ratsada Balita Interview)