Tinanggap na ng Korte Suprema ang 36 Milyong Pisong initial protest fee na inihain ni dating Senador Ferdinand Bongbong Marcos Jr.
Kaugnay ito sa electoral protest ni Marcos laban kay Vice President Leni Robredo sa nakalipas na presidential elections nuong isang taon.
Binigyang pansin ng mga mahistrado ng high tribunal at inilagay na noted sa kanilang summer En Banc Session sa Baguio City ang ginawang pagbabayad ni Marcos.
Kasunod nito, bigo namang magpalabas ng resolusyon ang Supreme Court na siyang tumatayong Presidential Electoral Tribunal hinggil sa inihaing motion for reconsideration ni Robredo.
Patungkol naman ito sa pagbabayad ng paunang 8 Milyong Piso para sa kaniyang kontra protesta sa mahigit walong libong clustered precincts.
By: Jaymark Dagala / Bert Mozo
