Patay ang isang pedicab driver matapos bugbugin at pagsaksakin sa harap ng kanyang mag-iina sa Navotas City.
Kinilala ang biktima na si gaylord libre at ang mga suspek na sina Jeff-Jeff at Lorenzo Dela Cruz.
Ayon sa Navotas Police, ipinaparada ng biktima ang kanyang pedicab kasama ang kanyang live-in partner at kanilang dalawang anak nang lapitan ng mga suspek.
Sa hindi malaman na dahilan, bigla na lamang pinaghahampas ang biktima gamit ang isang golf club at pinagsaksak ng ilang beses sa katawan si Libre.
Matapos ang insidente, mabilis na tumakas ang mga suspek.
Habang isinugod naman ang biktima sa pagamutan subalit idineklara itong dead on arrival ng mga doktor.
Sa ngayon, pinaghahanap na ang mga tumakas na mga suspek at patuloy pang inaalam ng mga pulis ang motibo sa krimen. -sa panulat ni Kim Gomez
