Umaasa si Pangulong Rodrigo Duterte na hindi darating ang panahon na mapilitan siyang magdeklara ng revolutionary government.
Sa isang video sa Facebook page ni PCOO Assistant Secretary Mocha Uson, sinabi ng Pangulo na bilang isang abogado, obligasyon niyang sundin ang konstitusyon.
Gayunman, posible aniyang magdeklara siya ng revolutionary government kapag nakita niyang bumabagsak na ang bansa subalit sa ngayon ay wala pa siyang nakikitang dahilan.
Una dito, nagsagawa ng rally ang mga supporter ng Pangulo sa Mendiola upang ipanawagan na magdeklara na ito ng revolutionary government.
