Nagpaabot ng pasasalamat kay Pangulong Rodirgo Duterte si Presidential Commission for the Urban Poor Chairman Terry Ridon sa paglalagda nito sa Free College Tuition Act.
Ayon kay Ridon, isang malaking tagumpay para sa Administrasyong Duterte ang nasabing batas lalo’t maraming mahihirap na pamilya ang naghahangad ng mas magandang kinabukasan para sa kanilang mga anak na makikinabang dito.
Maituturing din aniyang tangible investment ng bawat pamilyang Pilipino ang libreng matrikula upang maisakatuparan ang pangarap na ibangon sa kahirapan ang bawat pamilya at magkaroon ng magandang buhay.
Malinaw aniya ang mensahe ng Pangulong Duterte na hindi balakid sa mga mahihirap na pamilyang Pilipino ang mangarap ng mas magandang buhay dahil sa pagsasabatas ng libreng edukasyon.
