Nababahala ang isang eksperto hinggil sa bagong polisiya ng Department of Health sa quarantine period ng general population.
Sa panayam ng DWIZ, sinabi ni Philippine College of Physicians President Dr. Maricar Limpin na nakukulangan sila sa nasabing protocol gaya na lamang ng mga dapat gawin ng isang tao upang hindi makapanghawa ng iba.
Sinabi pa ni Limpin na dapat na maghinay-hinay at pag-isipan ng pamahalaan lalo na ng DOH ang pagpapaikli sa quarantine period sa general population dahil posible aniyang maging dahilan ito ng lalong pagtaas ng mga kaso ng COVID-19.
