Inirekomenda ng National Security Adviser na si Clarita Carlos kay Pangulong Ferdinand “Bongbong” Marcos Jr. ang pagpapadala ng note verbale sa China.
Ito ay matapos ang naganap na insidente sa Pag-Asa Island sa pagitan ng Chinese Coast Guard at Naval Station Team ng Philippine Navy, kung saan sapilitan umanong inagaw ng China ang nakuhang unidentified object ng Pilipinas.
Ayon kay Carlos, maraming rekomendasyon ang ibinigay niya kay Pangulong Marcos pero ang pagpapadala ng note verbale ang tanging isinapubliko.
Hahayaan naman ni Carlos ang pangulo na magdesisyon sa mga nararapat na hakbang ng gobyerno ng Pilipinas.
Iginiit din nito na dapat ay maimbestigahan ang insidente para hindi na maulit lalo nagiging maayos na ang relasyon ng Pilipinas at China.
Ang insidente ay matatandaang naganap noong linggo sa pag-asa island, ilang araw bago ang state visit sa Pilipinas ni US Vice President Kamala Harris.
Sa kaparehong araw din nakarinig ng pagsabog sa lugar na paglilinaw ni Carlos, ay hindi dahil sa aktibidad ng militar.