Hindi na muna tatanggap ng mga bagong pasyente ang Pasay City General Hospital (PCGH) matapos mapuno ang lahat ng mga medical at surgery clean ward; medical at pedia transition ward; at emergency room bed.
Ayon sa pamunuan ng ospital, lumampas narin sa 20 ang listahan ng mga pasyenteng naghihintay sa emergency room (ER) admission.
Dahil dito, pinayuhan ng PCGH na dalhin o ilipat muna pansamantala sa iba pang healthcare facilities ang lahat ng pasyente para sa maayos at mabilis na gamutan.
Umapela naman ng pang-unawa ang naturang ospital sa idinulot na abala sa mga pasyente at nangakong agad na mag-aabiso sakaling muling buksan ang kanilang admission.
