Sumampa na sa anim (6) ang patay sa nangyaring sunog sa Waterfront Manila Pavilion sa Ermita, Maynila.
Ito ay matapos bawian ng buhay ang isa sa mga sugatan sa sunog na kinilalang si Jennilyn Figueroa.
Ayon kay Philippine Amusement and Gaming Corporation (PAGCOR) Assistant Vice President for Communications Carmelita Valdez, ang 28-anyos na si Figueroa ay ang internal security officer ng naturang hotel.
Matatandaang lima sa mga naunang nasawi ay mga empleyado ng PAGCOR.
Linggo ng umaga nang magsimulang masunog ang gaming area ng Manila Pavilion na naapula matapos ang 24-oras.
(Ulat ni Aya Yupangco)
