Pumanaw na ang pasyente sa Lucena City, Quezon na napaulat na tumalon sa ika-3 palapag ng Government Ospital.
Ayon kay Philippine National Police Investigator, Police Corporal Eduardo Nartea Jr., noon pang October 7 na-confine sa ospital ang pasyenteng si Exequiel Rioflorido dahil sa pagkaubos ng dugo.
Nakatakda sana itong ma-discharge kahapon pero tumalon sa ikatlong palapag ng ospital dakong alas-3 ng hapon.
Kaninang madaling-araw lang binawian ng buhay ang biktima habang binibigyang-lunas ng mga doktor.
Nilinaw naman ng pamilya ni Rioflorido na hindi nag-suicide ang kanilang kamag-anak dahil sabik pa itong lumabas ng ospital.
Sa ngayon, nagsasagawa na ng malalimang imbestigasyon ang mg otoridad sa nangyari.
