May ginagawang hakbang ang Department of Foreign Affairs (DFA) para tugunan ang usapin ukol sa passport online fixers at scammers na nakakaapekto sa consular services nito.
Ito ang tiniyak ni DFA Assistant Secretary Eduardo Menez para mapabuti ang proseso ng appointment system.
Dagdag pa niya, naghain na ng reklamo ang kagawaran laban sa dalawang recruitment agencies na Canferz Payment and Ticketing Center at Valesco-SMS Incorporated.
Dahil dito, napilitan ang DFA na isara ang passport appointment portal para sa mga OFWs. – sa panulat ni Airiam Sancho
