Lusot na sa ikatlo at huling pagbasa ng Kamara ang panukalang batas na nagbibigay kapangyarihan kay Pangulong Rodrigo Duterte na ipagpaliban ang pagtaas sa premium ng PhilHealth.
Sa botong 227 na pabor at 6 na ‘no’, inaaprubahan ang House Bill 9461 kung saan layon na amyendahan ang section 10 ng Republic Act 11223 o Universal Health Care Act na nagtatakda sa pagtaas ngayong 2021 sa 3.5% mula sa kasalukuyang 3% ang premium rate contribution ng mga miyembro ng PhilHealth.
Bago magamit ng Pangulo ang kapangyarihan nito na suspendihin ang nakatakdang pagtataas ng PhilHealth contribution, kailangan munang magkaroon ng konsultasyon sa mga kalihim ng DOF at DOH.
Magkakaroon ng suspensyon sa mga premium rate hike sa oras ng national health emergency lalo na kung kapakapanan ng publiko ang nakasalalay.
