Isinulong ng isang senador ang panukalang-batas na magbibigay proteksyon sa mga senior citizens laban sa mga cybercrimes tulad ng text scams o budol-budol.
Sa gitna ito ng pagdami ng mga Online crimes kasabay ng COVID-19 pandemic, na kadalasang puntirya ang mga senior citizens na retired na.
Sa Senate Bill No. 671 o “Senior Citizens’ Fraud Education Act” na inihain ni Senator Jinggoy Estrada, layunin nitong bumuo ng Inter-Agency centralized service na magbabantay sa mga Scammers.
Mangunguna sa kanila ang dti na susuportahan ng DOJ, DOH at Philippine Postal Corporation.
Makikipagtulungan din ang mga ahensiyang ito sa BSP, SEC, IC, NTC, NBI at PNP.
