Mariing kinondena ng Malacañang ang panibagong insidente ng pamumugot ng Abu Sayyaf Group (ASG) sa Sulu.
Sinabi ni Presidential Communications Group Secretary Sonny Coloma na brutal ang pagpaslang ng ASG sa biktimang si Barangay Captain Rodolfo Boligao ng Dapitan City.
Si Boligao ay kabilang sa tatlong binihag ng Abu Sayyaf kabilang ang dalawang tauhan ng Philippine Coast Guard na sina Seaman 2nd Gringo Villaruz at Seaman First Allan Pagaling.
Kaugnay nito, tiniyak ng Malacañang na hindi titigilan ng pamahalaan ang pagtugis sa mga responsable sa pagpugot sa nasabing barangay captain.
By Meann Tanbio
