Masusing pag-aaralan ng Senate Blue Ribbon Committee kung may pangangailangan para muling buksan ang imbestigasyon sa pork barrel fund scam.
Sa harap na rin ito ng lumabas na mga panibagong pangalan ng mga mambabatas na sangkot diumano sa panibagong kaso ng PDAF scam.
Ayon kay Senador TG Guingona, Chairman ng Blue Ribbon Committee, kanila munang masusing titingnan at pag-aaralan ang sinasabing report na tumutukoy sa mga mambabatas na nasasangkot sa panibagong kaso ng pork barrel scam kung saan ang halagang sangkot ay umaabot umano sa P500 milyong piso.
Sa ngayon ay wala pang naibigay na kasiguraduhan si Guingona kung kanila itong iimbestigahan.
By Meann Tanbio | Cely Bueno (Patrol 19)
