Matapos ang ilang sunod na linggo ng rollback sa presyo ng mga produktong petrolyo, matutuldukan na ang maliligayang araw ng mga motorista.
Ito’y dahil sa ikinakasang bigtime oil price hike ngayong linggong ito na papalo ng halos P2.
Ayon sa mga source sa industriya ng langis, maglalaro sa P1.70 hanggang P1.95 ang inaasahang taas presyo sa kada litro ng diesel.
Uno sisenta (P1.60) hanggang P1.90 naman ang posibleng itaas sa kada litro ng presyo ng gasolina habang P1.75 hanggang P1.85 naman sa kada litro ng kerosene.
Paliwanag ng Department of Energy, nagmahal ang presyo ng langis sa world market bunsod ng banta sa pagbabawas ng produksyon nito.
By Jaymark Dagala
